આ મૌનના વાક્યો છે.

આ મૌનના વાક્યો છે અને કોરા કાગળના શબ્દો છે.
તમે સમજી શકો તો સમજો, આ સાદગીનો દબદબો છે.

આ ગીચતાની એકલતા છે, આ શાંત એવી ચંચળતા છે.
તમે સમજી શકો તો સમજો, આ કાચી ઉમરની પરિપક્વતા છે.

આ મુક્તિ ભરેલું બંધન છે, આ ખુલ્લી આંખનું સપન છે.
તમે સમજી શકો તો સમજો, આ બધું જ કહેતો દર્પણ છે.

આ સ્પષ્ટ સમજાતી ભ્રમણા છે કે ભ્રમીત કરતી સ્પષ્ટતા છે.
તમે સમજી શકો તો સમજો, આ ખોટી રીતે કહેવાયેલી સત્યતા છે.

આ શુદ્ધ નિર્મળ હેમ છે, આ ઈશ્વરની અદભુત દેન છે.
તમે સમજી શકો તો સમજો, આ મે તમને કરેલો પ્રેમ છે.

::સપન ::
૧૭.૧૨.૨૦૦૮