માણસને વ્હાલુ થવું કેટલું અઘરૂં છે તે જાણ્યુ મોત પર

ભુલ્યા'તા મને જે તે જોડાયા મારી મૈયતની જાનમાં...

=== સપન ===

૧૯.૧૨.૨૦૦૭

બાગમા ખિલ્યુ જાણે સુંદર ગુલાબ છે

મારી આંખોમા બસ તારા જ ખ્વાબ છે

તારી આ સાદગીમાં સુંદરતા એવી છુપાઈ છે

કે આ રૂપ તારૂં દુનિયાની આઠમી નવાઈ છે

=:=:= સપન =:=:=

૧૮-૧૨-૨૦૦૭

આયના જેવુ અંગ અને સોના જેવો રંગ

આયના જેવુ અંગ અને સોના જેવો રંગ

કુદરતે રચ્યો છે શું મજાનો સંગ !

ફુલ જેવા વદન પર સંગીત જેવુ સ્મીત

હારી જાઉં દિલ અને મેળવી લઉં હુ જીત

સુરાલય જેવી આંખો મા સુરા છે અમાપ

એક બુંદનો નશો ને રહે જીવનભરનો વ્યાપ

હંસલા જેવી બોલી અને કોયલ જેવો કંઠ

દિલના તાર છંછેડતો જાણે એક તંત

ભમ્મર કાળા વાળ ને તડકા જેવુ રૂપ,

સપનને ખુટે શબ્દો, એવુ સુંદર સ્વરૂપ

=:=:= સપન =:=:=

તા. ૦૯-૧૨-૨૦૦૭

કોણ છું હું?

મધદરિયે ઉભેલો પહાડ છું હું.

ઠુઠા શષ્ત્રનો પ્રહાર છું હું.

સફળતા મળતી નથી મને એ જાણું છું

કારણ કે નિષ્ફળતાનો પર્યાય છું હું.

મહેલની ભવ્યતા પર હવે જાશો નહી,

અંદરથી જરી પુરાણો ખંડેર છું હું...

તાર ભલે લગાવ્યા હોય નવા નક્કોર,

આખર તો બેસુરી સિતાર છું હું...

જીવન જીવુ છું થોડું તુટેલું થોડું ફુટેલું,

જિંદગી પર પણ જાણે ભાર છું હું...

મોત પણ કાયમ હાથતાળી દઈ જાય છે,

મોત માટે પણ અસ્વિકાર છું હું...

બોલ્યો છું સાચુ ને કર્યુ છે સાચું તેથી જ,

આ જુઠી દુનિયાનો ગુન્હેગાર છું હું...

કિધુ છે દેવું ગમનું સદા દુનિયા પાસેથી,

માટે આ દુનિયાનો દેવાદાર છું હું...

નથી લડ્યો કોઈ'દિ દુનિયાની જીદ સામે

એટલે જ લોકો કહે છે કાયર છું હું...

સપન તુટ્યા છે મારા સદાયે..

એટલે જ થઈ ગયો શાયર છું હું....

=:=:= સપન =:=:=

તા. ૦૯-૧૨-૨૦૦૭

સપન ની શુભેચ્છા...

સંધ્યાએ આકાશમાં રાતા વાદળોની રંગોળી પુરી છે.

ચમકતા પ્રથમ તારાએ તેમા રોનક ઉમેરી છે.

પંખીઓના કલરવે સંગીતની મધુરતા પાથરી છે.

સુરજ ખોવાઈ રહ્યો છે ધીરે ધીરે સપનમાં..

ભુમીએ પણ સૃષ્ટિની આ કરામત નીરખી છે.

================================

ગુલાબી ઠંડી લઈ ઉગ્યુ છે પ્રભાત

ઝાકળૅ ભીંજવ્યા છે ગુલાબનાં તન

સુરજની કિરણો આપે છે હુંફ અને

પંખીઓના કલરવમાં ગુંજે છે પ્રેમ

સુરજ મુખીના ચહેરા પણ ખીલી રહ્યા છે

આવો, સવારની શુભેચ્છા સાથે પુરા કરીએ સપન

===== સપન =====

હું તો જાગી જાગી જાઉં છું.

તારી આંખોને જોઈને હું તો પાગલ પાગલ થાઉં છું

તારો સ્પર્શ પામીને હું તો પાણી પાણી થાઉં છું

લજ્જાથી મસ્તક જુકાવી જુએ છે ભુમી તરફ તું

તારૂં રૂપ જોઈને હું તો વારી વારી જાઉં છું.

પગમાં બાંધેલી પાયલે એવો તે જાદુ શું કર્યો?

ઝાંઝરને સાંભળી ને હું તો રણકી રણકી જાઉં છું.

તમારી જુલ્ફોમા નાખેલો ગજરો પણ કમાલ છે..

તેની સુવાસ પામીને હું તો મહેકી મહેકી જાઉં છું

સપન તો આવશે હવે આંખો મહી ક્યાથી?

યાદ તમારી આવે ને હું તો જાગી જાગી જાઉં છું.

=== સપન ==== તા. ૧૨-૧૧-૨૦૦૭

School Days...

એકડો સાવ સળેખડો, બગડો ડિલે તગડો
બંન્ને બથ્થંબથ્થા બાઝી, કરતા મોટો ઝગડો

તગડો તાળી પાડે,ને નાચે તાતાથૈ
ચોગડાની ઢીલી ચડ્ડી સરરરર ઉતરી ગઇ

પાંચડો પેંડા ખાતો એની છગડો તાણે ચોટી
સાતડો છાનો માનો સૌની લઇ ગયો લખોટી

આઢડાને ધક્કો મારી નવડો કહેતો ખસ
એકડે મીંડે દસ વાગ્યા, ત્યાં આવી સ્કૂલની બસ.....

જો એ મને મળે તો...

હું સ્વર્ગને પામી લઊં જો એ મને મળે તો

હું ખુદ ને પણ ખોઈ દઊં જો એ મને મળે તો

હું મોત ને પણ માત કરૂં જો એ મને મળે તો

હું સમય ને પણ સાથ કરૂં જો એ મને મળે તો

એના અધરને ચુમી લઊ જો એ મને મળે તો

એની મુસ્કાનને માણી લઊ જો એ મને મળે તો

એના હાસ્યથી હસી લઊ જો એ મને મળે તો

એના રૂદન પર રડી લઊ જો એ મને મળે તો

બાકી તો સપન વધુ શું કહું જો એ મને મળે તો?

કામદેવ - રતી ને પાછા પાડું જો એ મને મળે તો...

==== સપન ====

આપણી દોસ્તી ની વાત કાંઇ ઓર છે

આ જનમની વાત કાંઈ ઓર છે

દોસ્ત! તારો સાથ કાંઈ ઓર છે

તારા જનમ દિને તને આપુ છું હ્રદયથી

એ શુભેચ્છા નો સાદ કાંઈ ઓર છે

સાતેય આસમાનને જે નીચા કહાવે છે,

આપણી દોસ્તી નું એ આસમાન કાંઈ ઓર છે

મરીને પણ નિભાવીશ હું આ દોસ્તી

આપણા એ વચનની તાકાત કાંઈ ઓર છે

સંગે મરમર ના તાજને પણ પાડે છે ઝાંખો

આપણી દોસ્તી નો એ ઝગમગાટ કાંઈ ઓર છે

બેઠા'તા ઘરના ઓટલે

ને ખાધા'તા એકમેકના જુઠા ધાન,

લડ્યા'તા એકબીજા માટે એનુ ઉગે છે માન

મોત કરતાં વહાલું છે દોસ્તનું સન્માન

કુદરતે રચેલા આ સંબંધનો ઘાટ કાંઈ ઓર છે.

સપન ! આ દોસ્તીનો સ્વાદ કાંઈ ઓર છે.

આ જનમની વાત કાંઈ ઓર છે

દોસ્ત! તારો સાથ કાંઈ ઓર છે

=*=*= સપન =*=*=

કશુંક ખુટે છે

અંબરને આજે તારા ખુટે છે.

કુસુમને આજે સુમન ખુટે છે

દરીયામાં પણ જ્યાં પાણી ખુટે છે,

મનમા આજે મન્નત ખુટે છે

પલાળવી છે આંખો પણ

નયનને આજે આંસુ ખુટે છે

મરી પરવારી છે એ ઈચ્છા, એ ઉમંગ..

લાશ ઢાંકવા આ આભનું કફન ખુટે છે

દફનાવી દેવા જે આજે દિલના અરમાન,

દફનાવવા આ આખ પૃથ્વી ખુટે છે

સળગી રહ્યો છે દાવાનળ દિલમાં,

ઓલવવા વાવાઝોડાના વાયરા ખુટે છે

લાગણીઓમાં ખારાશ તો આવશે જ આવશે

સંબધોમાં આજે મીઠાસ ખુટે છે

નશો પણ હવે ચડશે ક્યાંથી

મયખાનામાં શરાબના જામ ખુટે છે

કવીતા પણ હવે લખાશે ક્યાંથી

'સપન' પાસે હવે શબ્દો ખુટે છે

=*=*= સપન =*=*=

"મોતની મદિરા"

હસતા મુખને જોઈ છે સહુ કોઈ

પણ દિલની દુનિયામા કોઈ ડોકાતુ નથી

દિલ તો રડે છે પોક મુકીને

પણ આંખોથી આંસુ છલકાતું નથી

કીચડમા ઉભું છે ત્યાં સુધી તો
કમળની સુમનને પણ કોઈ સુંઘતું નથી,

લાગી છે ભીડ આસપાસ સ્વજનોની

પણ પોતાનું અહી કોઈ દેખાતું નથી

દોડી ને આવે છે સહુ કોઈ એ મયખાને

એક બુંદ જામનું જ્યાં રેલાતું નથી

મહેફીલમા મળીને બેસવું છે સહુ કોઈએ,

પણ એકલતાથી કોઈને મળાતું નથી

વાહ - વાહ કરી પાડે તાળી સહુ કોઈ
પણ 'સપન'ના દર્દે કોઈ પીડાતું નથી

જિંદગીને ઘોળીને પી જાય છે સહુ કોઈ

આ મોતની મદિરા કોઈ પીતું નથી...

==== સપન ====

’ઈર્શાદ’ આપણે તો ઈશ્વરને નામે વાણી.

આજે વિખ્યાત કવિ શ્રી ચિનુભાઈ મોદી "ઈર્શાદ" ની એક સરસ રચના મમળાવીએ....

પર્વતને નામે પથ્થર દરિયાને નામે પાણી,

’ઈર્શાદ’ આપણે તો ઈશ્વરને નામે વાણી.

આંસુ ઉપર આ કોના નખની થઈ નિશાની?

ઈચ્છાને હાથ-પગ છે એ વાત આજે જાણી.

આ શ્વાસની રમતમાં હારી ગયો છું તો પણ,

મારા ઘરે પધારો ઓ ગંજીપાની રાણી.

ક્યારેક કાચ સામે ક્યારેક સાચ સામે,

થાકી જવાનું કાયમ તલવાર તાણી-તાણી.

થાકી જવાનું કાયમ તલવાર તાણી-તાણી,

’ઈર્શાદ’ આપણે તો ઈશ્વરને નામે વાણી.

-ચિનુ મોદી ‘ઈર્શાદ’

આ સપનની શાયરી તું છે

ખીલતા ગુલાબની ગરીમા તું છે

ઉગતા સુરજની લાલીમા તું છે
નીશાના ચાંદની ચાંદની તું છે
આ સપનની શાયરી તું છે


મંદીરના દિપકની જ્યોતી તું છે
સમુંદરના છીપનું મોતી તું છે.
નારીના શૃંગારની સાદગી તું છે
આ સપનની શાયરી તું છે.


અંતરના ઊંડા પ્રેમનો ચીતાર તું છે
સૃષ્ટિની સુંદરતાનો આધાર તું છે
ગુલાબની કોમળ પાંખડી તું છે
આ સપનની શાયરી તું છે.


=== સપન ====

આકાશે ઉડતુ વાદળ મને ગમે છે

આકાશે ઉડતુ વાદળ મને ગમે છે

ભીની સી બુંદનું ઝાકળ મને ગમે છે

છુપાવીને રાખ્યુ છે મોતી હૃદયમાં

છિપનું એ શાણપણ મને ગમે છે

સુગંધની શોધમા ભમ્યા કરે છે કાયમ

ભમરાનું એ ગાંડપણ મને ગમે છે

રાત્રીના અંધકારમાં રેલાવે છે જે રોશની

ચંદ્ર તારાનું એ જાગરણ મને ગમે છે

બીનના સુરોની જે પ્રેમીકા છે

તે નૃત્ય કરતી નાગણ મને ગમે છે

વિરહની વેદના લઈ તુટ્યો છે જે સંબંધ

એ સંબંધનું સાંધણ મને ગમે છે

કવીતા તો "સપન"નુ એક બહાનું જ છે

બાકી તારા પ્રેમનું આગણ મને ગમે છે.

==== સપન ====

હું તો તારો સાથ માંગુ છું

"હું તો તારો સાથ માંગુ છું"

જનમ જનમ નો સાથ માંગુ છુ

પ્રેમ તણી હું પ્યાસ માંગુ છું

ઊંડા અંતરની આશ માંગુ છું

પ્રણય પંથનો સંગાથ માંગુ છું

ખીલતા ગુલાબની સુવાસ માંગુ છું

એ મહેકમાં હું તારો શ્વાસ માંગુ છું

પ્રેમના વચનમાં વિશ્વાસ માંગુ છું

દિલની દુનિયાનો થવા દાસ માંગુ છું

તુજ મીલનની રાત માંગુ છું

તેમા એકલતાનો અજવાસ માંગુ છુ

તારી આત્મામાં મારી આત્માનો વાસ માંગુ છું

"સપન" ની સૃષ્ટીમાં તારો સહવાસ માંગુ છું

==== સપન ====

Virah ni madira

વિરહની મદીરા

જાગે છે રાત, જાગે છે તારા

સુનમુન છે સાગર, ગુમસુમ કિનારા

વાદળની ગર્જના વિજળીના ચમકારા

વરસાદની ધારા પણ નીર છે ખારા

દિવા તળેના આ છે અંધારા

આંખો એ આંજ્યા છે અશ્રુના અંગારા

વસંતને આંગણે પાનખરના વાયરા

વિરહની ક્ષણોમાં યુગોના દાયરા

સાકીને પણ નથી ગમતી પ્યાલાની સુરા

બસ આમ જ "સપન" ને પીડે છે વિરહની મદીરા

==== સપન ====

આજે ફુલ ઘાયલ થયુ છે

આજે ફુલ ઘાયલ થયુ છે

આજે ફુલ ઘાયલ થયુ છે

બંધાયને ઘુંઘરૂ પાયલ થયુ છે.

પત્થરની છે બાંધણી ને પત્થરની છે પ્રતિમા

છતાં ઈસુ વિનાનુ આ દેવળ થયું છે

ફુલ તો તેની સામે નઝર કરતું'ય નથી

છતાં પતંગીયુ તેમા પાગલ થયું છે

ઝરણાં એ પણ કાપ્યા છે સરીતાના રસ્તા

તેથી તે ઝરણું મટી સાગર થયું છે

માંગ્યુ'તુ પ્રભુ પાસે પ્રેમ નું વરદાન

પ્રેમીકા તરફથી એ રદ્ બાતલ થયું છે

આવી ને આંખે આંજી ગયું છે કોઈ

એ "સપન" નયનનું કાજળ થયું છે.

- સપન -