આકાશે ઉડતુ વાદળ મને ગમે છે

આકાશે ઉડતુ વાદળ મને ગમે છે

ભીની સી બુંદનું ઝાકળ મને ગમે છે

છુપાવીને રાખ્યુ છે મોતી હૃદયમાં

છિપનું એ શાણપણ મને ગમે છે

સુગંધની શોધમા ભમ્યા કરે છે કાયમ

ભમરાનું એ ગાંડપણ મને ગમે છે

રાત્રીના અંધકારમાં રેલાવે છે જે રોશની

ચંદ્ર તારાનું એ જાગરણ મને ગમે છે

બીનના સુરોની જે પ્રેમીકા છે

તે નૃત્ય કરતી નાગણ મને ગમે છે

વિરહની વેદના લઈ તુટ્યો છે જે સંબંધ

એ સંબંધનું સાંધણ મને ગમે છે

કવીતા તો "સપન"નુ એક બહાનું જ છે

બાકી તારા પ્રેમનું આગણ મને ગમે છે.

==== સપન ====